تطويل الشعر للشباب ( مؤيد أو معارض ) ؟؟؟

السلام عليكم ورحمة الله وبركاته


حبيت ننقاش اليوم (( ظاهرة تطويل الشعر للشباب ))

انتشرت بين الشباب هالظاهره

وكل يوم طالعين بقصة جديده

وهذا كله نتيجة تقليد الغرب .. وتقليد اللاعبين


وما أعرف ليش انعدمت شخصية الشاب المسلم ... وأصبح ضعيف امام عادات الغرب الدخيله


احيانا تشوف ...

واحد شعره طويل الى كتفه او ظهره

والثاني شعره كأنه شجره فوق رأسه

والثالث شعره طويل ومصبوغ

والرابع صابغ خصل من شعره

الخامس يحلق شواربه وعوارضه

السادس حاف حواجبه ( ماناقص الا المكياج )










الموضوع بأختصااااار

هل تؤيد ظاهرة تطويل الشعر .. او تعارض ..؟؟؟

وماهي نظرتك لشاب شعره طويل ..؟؟؟

وهل تعتبرها ضعف بالشخصية .... لأنها نتيجة تقليد للغرب ؟؟؟
بأنتظاااااااااااركم

اشكرج اختي عالموضوع الحلو



هل تؤيد ظاهرة تطويل الشعر .. او تعارض ..؟؟؟

اعتبرها حرية شخصيه (( يعني هناك شباب يحبون تطويل الشعر و هناك شباب يحبون ما يصير عندهم شعر (( قرعه )) و هناك من الشباب الي يحب يخليه متوسط الطول

وماهي نظرتك لشاب شعره طويل ..؟؟؟

للشعر الطويل الي يكون كاريه هذا اقصى طول من الممكن اتقبله بس الي يوصل لي الظهر هذا الشعر جدا مو مقبول و الصبي المسكين بيعاني على الشعره يعني اهو مو بنت و متعوده ع الشعر الطويل

يعني انا ما اتقبله لنفسه و لا لي يعني اهو شعر ما يسر الناظر ابدا


وهل تعتبرها ضعف بالشخصية .... لأنها نتيجة تقليد للغرب ؟؟؟

لا الشعر الطويل مو تقليد للغرب

احنا يالعرب من عمرنا انطول شعورنا

انا شفت الصور قديمه لابوي و عمامي و يدي و شباب العايله

كانت شعورهم طوال

و اعتقد ان الشعر الطويل كان من ايام الجتهليه

مادري انا اشوف الزير سالم و جساس يعني امثلينهم بشعور طويله مشعثه

و بعد في عنترة حتى ايام الافلام المصريه مصورينه كأنه شعره طويل

مو طويل بس متوسط الطول بنظري



و اعتقد انها حرية شخصيه



اشكر طرحج للموضوع اختي

هل تؤيد ظاهرة تطويل الشعر .. او تعارض ..؟؟؟

اعارض

وماهي نظرتك لشاب شعره طويل ..؟؟؟

والله على حسب شكله اذا هو مطول شعره بس لابس غتره ومو مبين شي اعتبره عادي لاكن ما يعجبني لاكن اذا مطول شعره ومسوي فيه حركات يقل بعيني واعتبره سخيف بصراحة

وهل تعتبرها ضعف بالشخصية .... لأنها نتيجة تقليد للغرب ؟؟؟

لا اكثرها للفراغ والغرب ما قصرو

تطرق رائع
كثيرا مانرى هذه الاشكال
ونتقزز منها حقا
وقد يشكل علينا التفريق
بين ان كان الذي امامنا رجل ام مراة

وان سُؤل البعض قيل ان الرسول صلى الله عليه وسلم كان شعره طويل
ولكن شبابنا اليوم قد تعدوا الحد في اطالة الشعر
بخلاف ان هذا الشي احيوه واللحى قصوها فاي منهم الاولى ؟
هذا غير ان الرسول عليه الصلاة والسلام لم يكن يفعل مايفعلونه
من صبغ وسشوار وتمليس ( فرد ) ووضع الزينة عليه من شباصات وتوك .. الخ
حاشاه بابي هو وامي

من وجهة نظري الشخصية
استقل هذا الانسان ولا اعتبره رجل بمعنى الكلمة
لما هو معروف ان الرجل ذو شخصية قويه وخشنة

وهم بذلك يتشبهون من النساء وقد لعن الرسول عليه الصلاة والسلام
المتشبهين بالنساء من الرجال والمتشبهات بالرجال من النساء








تسلمين يالغلا
ويعطيج العافية

هل تؤيد ظاهرة تطويل الشعر .. او تعارض ..؟؟؟

أعـــــــــــــــارضـــــــــ وبــــــــشــــــــــدهـــ

وماهي نظرتك لشاب شعره طويل ..؟؟؟

+o( قــــــــــــــــرفــــــ +o(


وهل تعتبرها ضعف بالشخصية .... لأنها نتيجة تقليد للغرب ؟؟؟

مااعتبرها ضعف في الشخصية لكن يحب يجرب شعر طويل مثل القيرلز




يعطيج العافية على الموضوع المنتشر في الدول الآن

على حسب

انا موضد الشعر الطويل مع التحفظ على طوله .. مش يوصل لنص ظهره

لكن .. ضد التمليس والصبغ والفير والجل ... وكل سبل تجميل شعر المرأه اللي يسووها الشباب هاليومين !


بعدين موكل الشباب يطولون فيه شعورهم طويله من الله وطالع عليهم بشكل مقبول

لكن اللي يطول شعره غصب وهو شعره مايساعد ويسويله تمليس ويربطه بشباصه ..

هذا منقود منقود

وبصراحه اللي شعره طويل اهون من اللي يخليه كشه فوق راسه ويرفعه بجل !!

أما سالفه تقليد الغرب فما نقدر ننكر تأثيرهم .. هناك شئ من انعدام الشخصيه لانخفيها ^^

ومانضحك على اعمارنا نقول الرسول كان شعره طويل والشباب مطولين تبعا للرسول الكريم ..

انا قبل ثلاث سنوات تقريبا كان شعري طويل وكنت اتفنن فيه

اتفنن فيه يعني مع لبس شماغ وعقال طبعا

واقصد بكلمة اتفنن يعني اكشخ

اما اذا ماكنت لابس شماغ وعقال يعني مفرع عن راسي اخليه مثل ماهو ما اخليه واقف ولا احط جل ولا احط عليه اي شي من الامور هذي لان انا من معارضينها


ولكن


صارلي تقريبا سنتين ونص غيرت فكرتي عن الشعر وقصرته حيل ومن هذاك اليوم لين اليوم وانا ما اطوله لان صراحه صارت موضه بايخه

انا يوم اني طولته كانت لغايه في نفسي غرضها تغيير الشكل خصوصا ان شعري كثيف ولايق عليه تطويل الشعر لكن بعدين غيرت هالفكره وقصيته

اما الحين اللي يطولون الشعر انقسمو الى قسمين

قسم يقلد الغرب في تطويل شعره ويربطه من ورا مثل البنات او يحط عليه بلاوي مادري شيسمونها ويخليه واقف مثل المتكهرب

وقسم ياخذونها على انها اعتزاز بالاجداد لان اجدادهم كانو يطولون الشعر مع ان هذا شي المفروض محد يفتخر فيه يعني كله شعر لا راح ولا جأ


وبالنسبه لاسئلتج



هل تؤيد ظاهرة تطويل الشعر .. او تعارض ..؟؟؟

اعارض طبعا

وماهي نظرتك لشاب شعره طويل ..؟؟؟

ماعنده سالفه وشخصيته ضعيفه لان اعتبر كل شخص يتبع الموضه شخصيته ضعيفه (اقصد الشباب طبعا مو البنات لان البنات موضوع ثاني ولي اراء اخرى فيه)
وهل تعتبرها ضعف بالشخصية .... لأنها نتيجة تقليد للغرب ؟؟؟

جاوبت على هالسؤال من خلال الرد




واشكرج جزيل الشكر على الموضوع الهادف

اشكر كل من ابداء رايه في هذاالموضوع

اعارض وبشده يعني ايش الهدف من تطويل الشعر

وبالنسبة للي يطول شعره اعتبره حريه شخصية

ممكن يكون ضعف ليش لا

تحياتي المشاكس

مواضيعك مميزه
يعني الملابس بقيت شبه الرجاله
وبعدين هناك مشاكل للشعر الطويل
بعدين فيه شبان شكلهم حلو بنطلون محزق
مش هاتقدري تفرقي بينهم وبين البنات
بعدين ازاي يكون شارب وعضلات مفتوله وشعره مسبسب وطويل
زينه المراه في شعرها الطويل
ورجوله الشاب في شعره اللي عالزيرو
اديكي مثل اللي بيروح يعمل عمره مش الافضل انه يحلق
اخيرا لعن الله المتشبهين من الرجال بالنساء ..
وشكرا

السادس حاف حواجبه ( ماناقص الا المكياج )
ياليت تأكد من المعلومه هذي لانهم حطو من زمااااان
شغلت اطالة الشعر عادي حتى في الدين ما في شي
وكمان شغلة التشبه تكلم عنها كثير من العلماء انو مو كل شي صار فيه تشبه
بس الافضل ما يبالغوا في القصات والتصبغ والي ما ادري شيسمونه يغلي الشعر واقف على اراس مثل النخل
وعلى العموم مو مشكله الشعر كثير
بس ياليت يرفعون بناطيلهم شوي

السلام عليكم ورحمه الله و بركاته
انا و العياذ بالله من كلمه انا
كان في زمن الرسول الله صلى الله عليه و سلم يطولون من شعورهم
ولكن ما بالاشكال الغريبة الموجودة في هذا الزمان
اما في المعارضة انا لا اعارض على هذا ولكن المشكلة تكمن في الشباب في هذا الزمان و كما تعتقد اخي هذا النوع من الشباب الذين ذكرتهم هذيلا شو تباني اقول ليك عنهم قول هم المتشبهون بالنساء بس على ما اعتقد ليس كل الشباب من نفس النوع فيه بعض الشباب يطولون من شعورهم بطريقة جميلة
شكرا اخي على الموضوع
وانا اتمنى يكون شعري طويل بي مو كثير

الله لا يبتلينا ذلحين الواحد اذا شعره تقول سلك وشهوله يطوله طول الله عمره يعني ممكن اذاكان حرير بس الى اذنهاو كتفه ............ اتذكر مره شفت واحد الله لايوريكم البنطلون نازل والشعر هاكشه والمكياج وماضغلي هالبان يفحط فيها في فمه . ضحكت هذاك اليوم لين ماقلت امين