>>>(((***السلام عليكم ورحمة الله وبركاته***)))<<<

====================


مـو كـل من مسك قـلم قال انا شاعـر فـنان واكـتب الـقـصـيد
مـو كـل مـن الـف لـه بـيتـين مـن الـشـعـر قـال عندي ديوان



ترى الشعـر بـدون صـدق الاحـسـاس والـمـشـاعر مـا يـفـيـد
لو كان المتنبي اهو للقصيـده رايـة العـز والفـخـر والعـنـوان



ابــسـئلك انـت يـامن مـسـكـت الـقـلـم وتـكـتـب وتـخـط وتـعيد
تـفـهـم بـالـجـبــر والـبـحـور والـكـســور والاعـجـاز والاوزان



تـكـفـون افـهـمـوا كـلام الشـعــر اللـي مـنـه الـكـل بـيسـتـفيـد
الشعـر ماهـو وزن وقـافـيه وعــليهـم حـاطـيـن شـويـة الـوان



الـشـعـر بـدايـتـه فـكـره تـنـزل عـلـى الـشـاعـر انــزال فـريــد
ومـنـهـا يـرتـب ابـيــات عـجـب راسـخـه عـلـى مــر الازمــان



الـشـعــر احـيــانـا مـن قــوة مـعـانـيه يـحـرر حــتـى الـعـبــيـد
والـشـعـــر مــرات يــلـبــس صـاحــبـه مــن بـيـض الاكــفــان



حــط وزنــك وخـل الـعــصـافــيـر لـلألـحـان تـغـــرد تــغــريـــد
وخـل كـل مـن يــقـرى قــصـيـدك يــقــول انــا مــنــه طـــربـان

صح السانج اختي

ويعطيج العافيه كلمات جميله

دمتي بهذا التميز عزيزتي

احلى شهد

صح السانج وعساج على القوه

قصيده طيبه و هدفها رائع

وياليت الكل يتعلم البحور والاوزان وينتبه للي يكتبه

عشان يعرف الخطأ ويصححه

والكل جذي يقدر يكتب شي يحسه او يشعر فيه


تسلمين وعساج على القوه

اسير الحزن

احلى شهد صدقتي والله وبيض الله وجهك

الوقت هذا صار الكل يكتب قصيد منها ناس مبدعة ومنها ناس بالية الشعر بلوه

اول شي صح لسانج يا احلى شهد


ثاني شي انتي تتكلمين على اللي يكتبون شعر وهم ما يعرفون يكتبون شعر ويكتبون مكسر ومو موزون ولا يعرفون بالبحور ولا يكون فيه احساس ومشاعر


وانتي مع احترامي الشديد قصيدج من بدايتها لنهايتها مكسره ومو موزونه

يمكن بس الفكره وصلت لنا


شاكرلج على النشر واتمنى تكون بدايه موفقه بكتابة الشعر وتتعلمين شوي شوي لين ما تدقنين الوزن