اسلام عليكم
قصيدة لمحمد بن فطيس المري الفائز بلقب شاعر المليون بموسمه الاول
قصيده في منتدى الروعه ولم يشارك بها في برنامج شاعر المليون
اتمنى تعجبكم
اشجع رجل
الله يجازي من يسوي سواتك=وبذنوب من سوا سواتك يجازيك
مشيت درب الثقل وتحب ذاتك=ماتدري انه للمهالك يوديك؟
غرك جمالك ياخسارة حلاتك=ماتدري ان ماغير طبعك يحليك؟
بتقول زينك يشفع السيئاتك؟=الحسن ماهو عن وفا الحب يعفيك
لو التواضع والوفا من سماتك=بعت الحبايب كلهم دين وشريك
لاكن عجزت اغيرك ياجراتك=على الغياب اللي بلا عذر ينجيك
خطاي في توضيح وش هي غلاتك=وخطاك في توضيح وش هو تغليك
وشلون توصيني وتنسى وصاتك؟=وتصد عن صوت ٍ تقطع يناديك
مافادك التجريح والعذر فاتك=وتبغي رضاي الحين؟ ماعاد يمديك
صحيح احبك بس هذي جزاتك=بعلمك درس ٍ يفيدك ويحييك
تدري وش ابيض من خفوقك؟ عباتك=وتدري وش اللي غرني؟ نظرتي فيك
أدري بتستغرب تصبر وجاتك=قصيدت ٍ من واحد ٍ كان يغليك
تبغي تناظر وانت عايش مماتك؟=شف وحدتك والناس تجلس حواليك
وتبي تشوف أشجع رجل في حياتك؟=شفني وانا مقفي على كثر ما اغليك
وسلامتكم
21-03-2008, 12:46 AM
فصيدة محمد بن فطيس (اشجع رجل) انصحكم تقرونها 
المواضيع المتشابهه 
العرض العادي
