هذا الحوار الشعري بين الشيبه والعيوز وحبيت أنقله لكم ....وتابعو هذا الحوار الشعري الظريف......





الشيبــــــــــــــــــــــه:

قلبي شباب ولازم اني اعرّس .. مابا العيوز اللي اتوسّد على الباب

الخير وايد وانا ماني مفلّس . عندي فلوسٍ تدعم البنك في الحساب



العـــــــــــــــــــــيوز:

ما باقي غير خشمك وهالضرس .. تبغي تعرس وانت غادي شالغراب

قابل صلاتك الله يشفيك م المس .. والاّ ترى باطب ويهك بالتراب



الشيبـــــــــــــــــــه:

إنتي عيوز وأكلك الروب والخس .. اما انا ماكل سوى تكه و كباب

ما فيني سكر غير ضغطي نازل بس .. دام الهوى فيني ترى كل شي طاب



العيــــــــــــــــــوز:

لا بارك الله فيك يا الشيبه يا النحس .. ما تيبك الرمسه ولا ايبك اعتاب

قصرلي صوتك مابا اسمع ولا حس . عطني طلاقي وانقلع واقبض الباب



الشيبــــــــــــــــه:

دومك نحيسه وذا لسانك يبا قص . ربي ترى حلل لي اربع بالكتاب

هذا خميس ! الاعمى يا كم عرس؟ . مرتاح في الدنيا بل اهم واعصاب



العيــــــــــــــــوز:

بطران وراسك كالصخر يابس وعص .. مالوم طبعك يوم ربعك هالكلاب

غادي شرا الاريل.. ودومك اتحيّس .. استح على ويهك.. أصلع ولعاب



الشيبـــــــــــــــــه:

فكيني من ويهك ترى مالي أي نفس .. زهقان من شوفك وابغي لي أحباب

هذا طلاقك طالقه اربع وخمس .. شلّي طلاقك من ضميري بلا احساب



العيـــــــــــــــــوز:

مشكور يالشيبه ومن دون أي دس! .. عندي حبيب ما ابتعد لحظه وغاب

يشريك ويبيعك تراه ابثمن بخس .. ما تسوى ظفره .. حلوٍ اسمر وجذاب



الشيبــــــــــــــــه:

يالله قبل لا موت منك واغتص .. طلعتي لي قرنٍ وراسي بعد شاب

يا شينه البرقع ترى قدرك اختس .. عيوز ولك في الدنيا خلان واحباب



العيــــــــــــــــوز:

مثلك تراني وهذا لك في العمر درس .. لاني أميز بين شيبه وشباب

والا نسيت اني على الموضه ألبس .. ما علموك اني بلا شيله وحجاب

هههههههههههههههههههه


محاروه حلوه


يسلمووووو على النقل

مشكور يالشيبه ومن دون أي دس! .. عندي حبيب ما ابتعد لحظه وغاب

يشريك ويبيعك تراه ابثمن بخس .. ما تسوى ظفره .. حلوٍ اسمر وجذاب

هههههههههههههههههههههههه

خياااااااااااااااااااااااااااانة

تسلم لهوب والله حلوه ومنك انت احلى واحلى

لوووووووووووووووووووووووول
شكله مل العيوز وهي مو طايقته

العيــــــــــــــــوز:

مثلك تراني وهذا لك في العمر درس .. لاني أميز بين شيبه وشباب

والا نسيت اني على الموضه ألبس .. ما علموك اني بلا شيله وحجاب


خطيررررة والله تسلم الايااااااادي

ههههههههه
ما باقي غير خشمك وهالضرس .. تبغي تعرس وانت غادي شالغراب

قابل صلاتك الله يشفيك م المس .. والاّ ترى باطب ويهك بالتراب

يعطيك العافيه

اشكركم ياجماعه

تخيلو بعد عمر طويل نفس الموقف تكونون فيه شو بيكون موقفكم ؟؟؟

تخيلو بعد عمر طويل نفس الموقف تكونون فيه شو بيكون موقفكم ؟؟؟

خخخخخخخخخ

فال ا لله ولافالك لا انشاء الله (حب للأبد)

هاي الحريم والا بلاش ... جيــه اباها .. عيبتني ^_*

السن بالسن والبادي اظلم .!